Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

İttifaq üzvlərinin ad günləri münasibətilə tədbir keçirilib

ETİHİ Səbail Rayon Komitəsinin tabeliyində olan ilk təşkilatlarda təhsil sahəsində uzun müddət xidmət göstərmiş ittifaq üzvlərinin ad günləri münasibətilə tədbir keçirilib. 

  ETİHİ Səbail Rayon Komitəsinin iyun-iyul ayları üzrə 50 yaşı - 7, 55 yaşı - 8 nəfər , 60 - yaşı - 10 nəfər, 65 - yaşı - 12 nəfər, 69 yaşı - 1 nəfər, ümumi - 38 yubilyarlarla görüş keçirilib. Yubilyarlar qiymətli hədiyyələr və gül dəstələri ilə təbrik olunub. 

  Göstərilən diqqət və qayğıya görə ittifaq üzvləri ETİHİ Respublika Komitəsinə və Azərbaycan Həmkarlar İttifaqları Konfederasiyasının rəhbərliyinə dərin minnətdarlıqlarını bildiriblər.

26 iyun Azərbaycan Silahlı Güvvələri Günü

Xalqımızın birliyini, iradəsini və qüdrətini təcəssüm etdirən Müzəffər Ordumuzu Silahlı Qüvvələr Günü münasibətilə təbrik edir, bütün hərbi qulluqçularımıza möhkəm cansağlığı və şərəfli xidmətlərində uğurlar arzulayırıq!

Həmkarlar İttifaqı üzvləri üçün Şamaxı rayonuna tur təşkil edilib

İttifaq üzvlərinin asudə vaxtlarının səmərəli keçirilməsi məqsədilə Azərbaycanın müxtəlif rayonlarına bir günlük turlar təşkil edilir. 

ETİHİ Səbail Rayon Komitəsinin üzv təşkilatı olan 47, 91, 332, 339 nömrəli məktəbəqədər təhsil müəssisələri həftəsonu Şamaxı rayonuna səfər edib.

İttifaq üzvləri göstərilən qayğıya görə ETİHİ Respublika Komitəsinə minnətdarlığını bildirib.

ETİHİ Səbail Rayon Komitəsinin üzv təşkilatı həftəsonu Şamaxı rayonuna səfər edib

İttifaq üzvlərinin asudə vaxtlarının səmərəli keçirilməsi məqsədilə Azərbaycanın müxtəlif rayonlarına bir günlük turlar təşkil edilir. ETİHİ Səbail Rayon Komitəsinin üzv təşkilatı olan Respublika Uşaq-Gənclər İnkişaf Mərkəzi həftəsonu Şamaxı rayonuna səfər edib.

İttifaq üzvləri göstərilən qayğıya görə ETİHİ Respublika Komitəsinə minnətdarlığını bildirib.

İttifaq üzvləri ilə marifləndirici görüş keçirilib .

ETİHİ Səbail Rayon Komitəsinin üzv təşkilatı olan 2N- li Texniki - Humanitar liseydə ittifaq üzvləri ilə marifləndirici görüş keçirilib .

İttifaq üzvlərinin ad günləri münasibətilə tədbir keçirilib

ETİHİ Səbail Rayon Komitəsinin tabeliyində olan ilk təşkilatlarda təhsil sahəsində uzun müddət xidmət göstərmiş ittifaq üzvlərinin ad günləri münasibətilə tədbir keçirilib. 

  ETİHİ Səbail Rayon Komitəsinin aprel ayı üzrə 55 - yaşı - 8 nəfər , 60 - yaşı - 9 nəfər, 65 - yaşı - 4 nəfər, ümumi - 21 yubilyarlarla görüş keçirilib. Yubilyarlar qiymətli hədiyyələr və gül dəstələri ilə təbrik olunub. 

  Göstərilən diqqət və qayğıya görə ittifaq üzvləri ETİHİ Respublika Komitəsinə və Azərbaycan Həmkarlar İttifaqları Konfederasiyasının rəhbərliyinə dərin minnətdarlıqlarını bildiriblər.

“Məzun Günü” qeyd olunub.

Elm və Təhsil İşçiləri Həmkarlar İttifaqı Səbaı̇l Rayon Komı̇təsı̇nin üzv təşkilatı olan 239 nömrəli tam orta məktəbində “Məzun Günü” qeyd olunub.

ETİHİ Səbail Rayon Komitəsinin üzv təşkilatlarında inkişafetdirici təlimlər davam edir

  Buğün ETİHİ Səbail Rayon Komitəsinin üzv təşkilatı olan 91 nömrəli məktəbəqədər təhsil müəssisəsində "Sağlam psixososial iş mühiti: oynayaraq öyrədirik" mövzusunda sertifikatlaşdırılmış təlimçi-məsləhətçi Elçin Sərdarov tərəfindən ödənişsiz təlim keçirilib.

   Təlimin məqsədi - tərbiyəçi-müəllimlər arasında sağlam psixososial mühitin dəstəklənməsi, kollektivdə ünsiyyəti oyunlar vasitəsilə gücləndirmək, onlara müsbət və inkişafetdirici kommunikasiyanın qurulması, səmərəli əməkdaşlıq edilməsi sahəsində bacarıqların formalaşdırılmasında dəstək olmaqdır.

  Təlim iştirakçıları səmərəli kommunikasiyanın əsasları, növləri, məktəbəqədər müəssisədə əsas ünsiyyət maneələri, peşəkar ünsiyyətin 4 prinsipi, ünsiyyət alqoritmi ilə tanış olub. 

ETİHİ əməkdaşları üçün əmək qanunvericiliyi və kargüzarlıq üzrə təlimlər keçirilib

Elm və Təhsil İşçiləri Həmkarlar İttifaqı (ETİHİ) Respublika Komitəsinin təşkilatçılığı ilə ETİHİ Respublika Komitəsinin və üzv təşkilatların əməkdaşları üçün “Əmək qanunvericiliyi”, “Kargüzarlıq və Praktiki ƏMAS” və “Kargüzarlığın təşkili” mövzularında təlimlər keçirilib.

Təlimlərdə müvafiq sahələr üzrə fəaliyyət göstərən 28 əməkdaş iştirak edib.

 Proqram çərçivəsində iştirakçılara əmək qanunvericiliyinin tətbiqi, ƏMAS-dan praktiki və səmərəli istifadə üsulları, eləcə də kargüzarlığın müasir tələblərə uyğun təşkili ilə bağlı nəzəri və praktiki məlumatlar təqdim olunub. İnteraktiv formada keçirilən sessiyalar zamanı iştirakçılar gündəlik fəaliyyətlərində qarşılaşdıqları məsələlər üzrə praktiki bacarıqlarını inkişaf etdirmək imkanı əldə ediblər.

Bununla yanaşı təlim iştirakçıları ilə görüş də keçirilib. Görüşdə çıxış edən ETİHİ Respublika Komitəsinin sədr müavini Mirzə Cəfərzadə bu növ tədbirlərin əməkdaşların peşəkar inkişafına mühüm töhfə verdiyini vurğulayıb. O, iştirakçılara gələcək fəaliyyətlərində uğurlar arzulayaraq, qazanılan bilik və təcrübənin iş yerlərində səmərəli tətbiqinin vacibliyini qeyd edib. M.Cəfərzadə həmçinin bu biliklərin digər həmkarlarla bölüşülməsinin əhəmiyyətini diqqətə çatdırıb və iştirakçıların suallarını cavablandırıb.

Tədbirin sonunda iştirakçıların əldə etdikləri bilik və bacarıqlar qiymətləndirilib və onlara sertifikatlar təqdim olunub.

1 iyun - Beynəlxalq Uşaqların Müdafiəsi Günü qeyd edilib

ETİHİ Səbayil Rayon üzv təşkilatlarında 1 iyun - Beynəlxalq Uşaqların Müdafiə Günündə tədbirlər keçirilib.